食食食 ♥ GUDETAMA x IZUMI CURRY

由上網見到消息之後 我已經好期待新的呢間GUDETAMA餐廳喇

因為比起尖沙咀 觀塘 GUDETAMA餐廳  呢間真係近屋企太多喇!

估計假期會很多人排隊 所以趁星期一晚靜靜地

我7點幾到餐廳 等左15分鐘多少少就有位

餐廳內佈滿GUDETAMA的佈置 感覺佈置上比點心店更豐富

玉子椅套 一字排開好有氣勢啊 仲有唔同表情!

我見梳化上會有幾個GUDETAMA公仔! 可以俾人攬住影相

其實餐牌上真係有好多GUDETAMA啊 我見有好多女仔都不停影影影

餐牌只有一大版 仲有紙俾客人自己落單

 選擇不算多 但樣樣都有GUDETAMA樣 好得意啊!

套餐可選橙汁或蘋果汁 GUDETAMA杯都好可愛
平時跟餐飲品都細細杯 今次份量都算幾好!

蘋果汁加了冰 唔算太甜 幾好飲

🍲[流心芝士玉子飯]

GUDETAMA咁多款造型入面
玉子壽司款絕對係我既最愛

造型靚 加上聽講呢款係葵芳店限定
切開後有芝士有火腿片
味道幾好但可惜冇流心

成個飯最最最好食係薯仔! 呢度的薯仔雖唔係平時入味的咖哩薯仔
但薯仔有先炸過再放上咖哩飯上面 又軟又香

🍲[奄列吉列豬排咖哩飯]
Gudetama奄列造型 好可愛懶懶閒  愈睇愈懶
咖哩汁我味濃不過我覺得可以再辣少少

吉列豬扒炸得好香脆 咬落去時脆卜卜

兩個人食埋單差不多$200 連紙巾都有GUDETAMA!

日本買物分享 🎁 GUDETAMA DECO LATTE ART

平時我因為對咖啡因敏感 所以好少飲
(次次飲完我都會好暈好想訓覺)
有時買STARBUCKS我都係會要求[少咖啡]
我只係貪拎住咖啡杯又靚又CHILL既感覺

其實我平時有係公司咖啡機試玩打奶泡做拉花
只不過只靠YOUTUBE學 我實在識得太少

今次會買主要係因為我最近的新寵 [GUDETAMA]
係INSTAGRAM見到呢個[一秒懶人零技術咖啡拉花紙]
太可愛喇! 只係$30 忍唔住買

買左喇 作為粉絲 我連包裝都覺得好靚 影左好多相

背後呢 本身有教你沖泡方法 相信就算唔識日文都教得掂 無問題
一包入面有十張 款款唔同樣無重複 每一小包裝都有獨立包裝
只要打開後放在咖啡或熱牛奶上面就可以

做之前 先確認咖啡杯直徑要同咖啡拉花紙差不多 大約6.5CM
要大小差不多 如果唔係放落去去就唔靚架啦

每一小片都有一個小切口 方便拎住放拉花紙放入杯
我建議大家可以的話 最好先用咖啡機打好厚厚的奶泡
或者單用熱鮮奶 因為愈白就愈顯圖案啊
(記得將比較雪白的地方留返放係GUDETAMA面上啊!)

因為拉花紙會慢慢溶化 所以放好後 我會蓋住大概三分鐘
就見拉花紙慢慢溶化 同咖啡融為一體

愈 睇 愈 靚 ♥ ♥ ♥ ♥